வி.எஸ்.பாபு: ஸ்டாலினைத் தோற்கடித்தவர், திமுகவில் இருந்து தவெகவுக்கு வந்தது எப்படி?

கொளத்தூர் தொகுதி த.வெ.க சட்டப்பேரவை உறுப்பினர் வி.எஸ்.பாபு, நீண்டகால சுவாசப் பிரச்னை காரணமாக சென்னையில் உள்ள தனியார் மருத்துவமனையில் சுமார் 70 நாட்கள் சிகிச்சை பெற்று வந்த நிலையில், தனது 75-ஆவது வயதில் காலமானார்.
வடசென்னையில் தி.மு.கவின் முக்கிய முகமாக அறியப்பட்ட அவர், 2006-ஆம் ஆண்டு புரசைவாக்கம் தொகுதியில் இருந்து எம்.எல்.ஏவாகத் தேர்ந்தெடுக்கப்பட்டார். பின்னர் அக்கட்சியில் இருந்து விலகி அ.தி.மு.க, அம்மா மக்கள் முன்னேற்றக் கழகம் உள்ளிட்ட கட்சிகளில் பயணித்தார். கடந்த பிப்ரவரி மாதம் த.வெ.கவில் இணைந்த அவருக்கு கொளத்தூர் தொகுதியில் போட்டியிட வாய்ப்பு வழங்கப்பட்டது.
2026 சட்டப்பேரவைத் தேர்தலில் தி.மு.க தலைவர் மு.க.ஸ்டாலினை 8,795 வாக்குகள் வித்தியாசத்தில் தோற்கடித்து கவனம் பெற்றார். இந்த வெற்றிக்குப் பிறகு ஸ்டாலின் குறித்து அவர் தெரிவித்த கருத்துகளும், காட்டிய சைகையும் சர்ச்சையை ஏற்படுத்தின. அவரது மறைவால் கொளத்தூர் தொகுதி காலியாகியுள்ளது. தமிழ்நாடு சட்டப்பேரவையில் காலியாக உள்ள தொகுதிகளின் எண்ணிக்கை இதன் மூலம் ஆறாக உயர்ந்துள்ளது.